(+298) 31 12 50

Timburhandilin og 2x3 partur av handilsketuni XL-BYG

Frá 1. jan. 2016 eru handlarnir 2x3 og Timburhandilin á Hálsi í Havn vorðnir partur av handilsketuni XL-BYG.

Xl-BYG er sera væl umboðað í Norðurlondum, og handilsketan fevnir um uml. 300 handlar.

 

Framvegis ein sterk føroysk fyritøka við somu starvsfólkum og sama eigara

– men við broyttum og sterkari profili saman við nógvum góðum tilboðum til kundarnar. Við hesum verður fyritøkan samstarvspartur hjá danska partinum av handilsketuni, sum telur fleiri enn 120 fyritøkur. Við einum umsetningi upp á 8,5 mia.kr. er XL-BYG® ein av størstu og merkisverdastu handilsketunum, ið selja byggivørur í kongsríkinum.

 

Komandi tíðina verða profilur og andlit okkara úteftir so við og við broytt. Handilsheitini “Timburhandilin“ og “2x3” hvørva, og hesir handlar fara – saman við eini spildurnýggjari handverkarabúð á Heykavegi –

at verða nevndir undir einum og við sama búmerki:

XL-BYG TÓRSHAVN

 

Hóast landsfevnandi er hugtakið handan XL-BYG, at handlarnir eru rótfestir í nærumhvørvinum

XL-BYG® er ein handilsketa, sum byggir á frítt samanhald. Hetta merkir, at allar fyritøkurnar í ketuni eru sjálvstøðugar við hvør sínum eigara. Allir handlar okkara byggja á langa fakliga siðvenju, samstundis sum teir eru rótfestir í nærumhvørvinum. Fleiri av handlunum verða riknir av 3. ella 4. ættarliði. XL-BYG veitir sostatt viðskiftafólkum sínum stórrakstrar-fyrimunir – samstundis sum vinningurin verður verandi, har handilin hevur sítt virksemi.

 

Sterk leiðsla skapar felags stev

Við XL-BYG-felagsskapinum verður støðið lagt undir, at samstarvið millum kunda og handil gongur upp í eina hægri eind, har skapt verður mest møguligt virði fyri báðar partar. Handilsketan verður rikin av fakfólki við áralongum royndum í byggimarknaðarvinnuni, og tá ið hetta verður sett saman við royndum og førleikum hjá teimum 65 starvsfólkunum í høvuðs-sætinum hjá ketuni og hjá teimum samanlagt 2500 eldhugaðu leiðarunum og starvsfólkunum, sum starvast úti í handlum okkara, halda vit sjálv, at vit standa sterkt.

 

Nøgdsemiskanningar vátta, at so er, tí XL-BYG-handlarnir hava eitt sera tætt tilknýti til viðskiftafólk

í nærumhvørvinum, har teir eru at finna.

Sterkur samstarvsfelagi hjá handverkaranum

Flestu XL-BYG-handlarnir hava eina HANDVERKARA-BÚÐ, sum burturav leggur dent á at veita dygdarvørur og -tænastu til teir mongu handverkarakundarnar.

 

Hetta verður eisini galdandi í XL-BYG TÓRSHAVN. Nýggja handverkarabúð okkara verður at finna saman við timburhandlinum á Heykavegi, har vit miðsavna allar vørur, ið eru beinleiðis ætlaðar okkara yrkis-kundum.

 

Vit hugsa loysnir, ið skapa virði fyri yrkiskundar okkara, og fara vit komandi tíðina ígjøgnum tilboð, átøk o.a. at borðreiða við fleiri slíkum. Yrkiskundar okkara teljast bæði millum teir størstu landsfevnandi arbeiðstakararnar og teir smærru handverksmeistar-arnar í flestøllum yrkjum. Millum 60 og 70% av umsetningi okkara stavar frá yrkiskundum.

 

Serkøn leiðbeining til kundarnar

Flestir av okkara handlum hava ein byggimarknað, sum veitir alskyns vørur til privata bygging, hús, heim og urtagarð.

 

Í byggimarknaði okkara, sum er betur kendur sum 2x3, fara vit framvegis at umboða ítrivsketuna “Panduro Hobby” og urtagarðsketuna “Bo-grønt”, og umframt hetta verður nú sterka vøruúrvalið hjá XL-BYG at finna hjá okkum. – Hetta merkir samanumtikið eitt breiðari vøruúrval og nógv fleiri og betri tilboð til kundarnar.

 

Fá meira fyri prísin – okkara holla vegleiðing

til kundan er ókeypis!

Vit seta fakliga førleikan hjá hvørjum einstøkum starvsfólki í fremstu røð, tá ið vit meta um okkum sjálv. Vit eru til reiðar at leiðbeina kundar okkara um stórt og smátt – heilt frá útskifting av køkskrananum til størri umbyggingar.

 

Við einum sterkum toymi av starvsfólkum – og veitarum, sum eru útvaldir við kappingarføri, trúfesti og góðsku fyri eyga, kunnu vit veita tær trygd fyri, at tú fært røttu loysnina frá okkum.

 

Hygg inn á gólvið í XL-BYG TÓRSHAVN

– tað lønar seg!

UPPLATINGARTÍÐIR Byggimarknaðurin
mán-frí 08.00 - 17.30 leyg 09.00 - 14.00
Timburhandilin mán-frí 08.00 - 17.00 leyg 09.00 - 13.00 Handverkarabúðin
mán-frí 08.00 - 17.00 leyg 09.00 - 13.00
XL-BYG TÓRSHAVN | HEYKAVEGUR 4 | TEL. 31 12 50 | FAKS 31 54 60 | TELDUPOSTUR: HT@HT.FO
KONTA NR.: BANK NORDIK 6460 221.550.2 | EIK 9181 200.042.5